3. ග්‍රොස් මෝන් ජාතික වනෝද්‍යානය/ Gros Morne National Park (නිව් ෆවුන්ලන්ත දිවයින, කැනඩාව)
| |
ග්‍රොස් ග්මෝන්හි ආදී කාලීන ගල් කුළු මතට වසර මිලියන දෙකක් පුරාවට අනුක්‍රමයෙන් ඇද හැළුනු අයිස් හේතුකොට ගෙන කඳු ශිඛර වටකුරු වී ආකර්ෂණීය පෙනුමක් ගෙන තිබේ. වසර මිලියන ගණනක පරිවර්තනය හේතුකොට ගෙන ආදී කාලීන කඳු වැටි, නිම්න, ගැඹුරු ග්ලැසියර විල්, වෙරළාශ්‍රිත මඩ වගුරු සහ ජල තරංගයෙන් ගෙවී ගිය දඹ සහිත විශිෂ්ඨ භූ දර්ශනයක් නිර්මාණය වී ඇත.
වෙරළාශ්‍රිත පහත්බිම්වල සිට, නිසරු උස්බිම් තුලට කඳු වැටි ඔස්සේ ගමන් කරද්දී ඔබට එකිනෙකට වෙනස් සෞම්‍ය දේශගුණයන් විඳීමට ලැබෙනු ඇත, තවද එකිනෙකට වෙනස් ආක්ටික් සත්ත්ව විශේෂද, ශාකද දක්නට ලැබෙනු ඇත. පහත් උන්නතාංශයන් ඇති පෙදෙස් කළු වලසුන්ට සහ ගෝනුන්ට නිවාස වී තිබේ. උස් බිම් ශීතල දේශ ගුණයට අනුවර්තනය වූ ආක්ටික් සාවුන්ගේ සහ පිණි මුවන්ගේ නිජ බිමකි. ග්‍රොස් මෝන් ජාතික වන උද්‍යානය පිහිටා තිබෙන්නෙ කැනඩාවට අයත් නිව් ෆවුන්ලන්ත දිවයිනේයි. මෙහි සිටින සත්ත්ව විශේෂ මහ භූමියේ (උතුරු ඇමෙරිකා මහද්වීපයේ) සිටින සමාන සත්ත්ව විශේෂයන්ගෙන් වෙනස් වේ (උප විශේෂ වේ). මෙයට හේතු වී ඇත්තේ වසර 150,000 පෙර අවසන් හිම යුගයේ අයිස් තල හුදකලා වී නිව් ෆවුන්ලන්තය ම්හා භූමියෙන් වෙන් වීම්යි.
ග්‍රොස් මෝන්හි, සොබා දහමේ තවත් විශිෂ්ඨ නිර්මාණයක් වන්නේ වෙස්ටර්න් බ්‍රූක් විලයි, එය අතිශයින් ගැඹුරු නැවුම් ජලය පිරි ආවාටයක් බඳු පටු නිම්නයකි. ආවාටය විශිෂ්ඨ අයිස් තලාවකින් ආවරණය වී ඇත (වරෙක හිම යුගයේදී මුළු නිව් ෆවුන්ලන්තයම අයිස් තලාවකින් ආවරණය වූ පරිදි). අයිස් තලාවෙන් දියවෙන ජලය නිම්නය ඔස්සේ මුහුදට ගලා බසියි. පෙර කලෙක මුළු දිවයිනම වසා පැවති අයිස් තලය ඉවත් වීම හේතුවෙන් දිවයින අයිස් තලයේ බරින් නිදහස් වී එසැවී තිබේ. එහි ප්‍රතිඵලය නිම්නයේ වෙරළත ඉම මුහුදු මට්ටමට වඩා උස්වීමයි. විල, සානු මතින් ගලන ආකර්ෂණීය දිය ඇළිවලින් පෝෂණයවේ. උද්‍යානයේ වනගත මනුෂ්‍ය වාසයෙන් තොර කඳු හරහා අඩි මාර්ග ඇත්තේ පයින් ගමන් කරන්නවුන්ගේ විනෝදය පිණිසය. තවද මුහුද අසල කඳවුරු බැඳ ගැනීමටද සුදුසු ස්ථාන ගණනාවක් පවතී.
Wikipedia Article | |
Sunday, September 26, 2010
3. ග්‍රොස් මෝන් ජාතික වනෝද්‍යානය
Subscribe to:
Post Comments (Atom)
No comments:
Post a Comment