මෙන්ඩෙන්හෝල් ග්ලැසියරය/ Mendenhall Glacier
View Mendenhall in a larger map
ඇමරිකා එක්සත් ජනපද පාලනය යටතේ පවතින ඇලැස්කාවේ වැඩි ප්රදේශයක් හිමෙන් වැසී පවතී. ඇලැස්කාව වූ කලි දහස් ගණන් වූ ග්ලැසියරයන්ගේ නිජ බිමයි. මෙවන් ග්ලැසියරයන් අතරින් වඩාත් වැදගත්, මනස්කාන්ත ග්ලැසියර කීපයක් වේ. ඉන් මෙන්ඩෙන්හෝල් ග්ලැසියරයට හිමිවන්නේ සුවිශේෂ ස්ථානයකි.
මෙන්ඩෙන්හෝල් ග්ලැසියරය වූ කලි ජුනාඋ අයිස් යායේ සුවිසල් ග්ලැසියර තිස් අටෙන් එකකි. ජුනාඋ අයිස් යාය ඇලැස්කාවේ නිරිතදිගට වන්නට වර්ග කිලෝ මීටර 3885ක ප්රදේශයක් පුරා විසිර පවතී. පරිසරවේදියෙක් වන ජෝන් මියුවර් පවසන ආකාරයට, ඇලැස්කාවේ ඇති දර්ශනීයම ග්ලැසියරය මෙන්ඩෙන්හෝල් ග්ලැසියරය වේ. ග්ලැසියරයට ලඟාවීමට ඉතා පහසුය, එය ජුනාඋ නගරයේ සිට කිලෝමීටර 21ක දුරකින් පිහිටා ඇත.
මෙන්ඩෙන්හෝල් ග්ලැසියරය ඇතුළු ජුනාඋ අයිස් යාය මීට වසර 3000කට ඉහත අයිස් යුගයේදී නිර්මාණය වූ බව පැවසේ. එය පසු ගිය 18වන ශතවර්ෂය දක්වාද නිර්මාණය වෙමින් පැවතී ඇත. එහෙත් ඉන්පසු පරිසර උෂ්ණත්වය ඉහළ යාම හේතුවෙන් එය ක්රමයෙන් දියවීමට පටන් ගෙන ඇත. ග්ලැසියරය අළුත්වැඩියා වන වේගය එය දියවීමට ගතවන කාලය හා සැසඳීමේදී අඩු බව පෙනී ගොස් ඇත. 1767 වන විට ග්ලැසියරයේ කිලෝමීටර 4ක් දියවී ගොස් තිබුණි. වර්තමාන දියවීමේ වේගය අනුව (වසරකට අඩි 25ක් පමණ) ග්ලැසියරය සම්පූර්ණයෙන් අතුරුදහන් වීමට නම් තවත් ශත වර්ෂ කිහිපයක් ගත වෙතැයි පැවසේ. මෙතෙක් ග්ලැසියරය දියවීමෙන් මතු වූ භූමිය වසර ගණනාවක් නිසරු බිම් ලෙසින් පැවත වර්තමානයේ වෘක්ෂලතාදිය හා සත්ත්වයින්ට විසීමට සුදුසු භූමියක් බවට ක්රමයෙන් පරිවර්තනය වෙමින් පවතී.
ග්ලැසියරය, විද්යාඥයකු වූ තෝමස් මෙන්ඩෙන්හෝල් විසින් සොයාගන්නා ලදී. ඔහු එවකට ඇලැස්කාවත් කැනඩාවත් අතර දේශසීමා මැනුම් කටයුතුවල නිරතවින. ග්ලැසියරය නැරඹීම සඳහා හෙලිකොප්ටර් මඟින් ලඟාවිඅය හැකි අතර අවශ්ය නම්, හිම මත ගමන් කිරීමට සුදුසු වාහනයක් මඟින් ග්ලැසියරය මත ගම ගැනීමට හැක.
ඉශානි
ReplyDeleteවටින දෙයක් ඔයා කරන්නේ. මටනම් කවදාවත් මේවා බලන්න යන්න ලැබෙන්නැතිවෙයි. මෙහෙමවත් මේ වගේ දෙවල් තියෙවනවා කියලා දැනගන්න පුවුවන් වීම මට වගේම අනිත් අයටත් වටීවි.
(සිංහළ බ්ලොග් අවකාශයේ කාන්තාවකගේ බ්ලොග් එකකට කමෙන්ටියක් අදමයි දාන්නේ.දිගටම ලියන්න. අපි කියවනවා.)
බොහොම ස්තූතියි. ඔබේ අදහස් අගය කරනවා...
ReplyDelete